Àr ar minotennoù kuzh get Mys’Terre du Golfe

Ni zo-ni akipet brav-eston : ur poellgomzer en hon dorn, lemm hor spered, setu ni kaset get Laig ar Bleiz, igounierez prevez anezhi, da saveteiñ Gwened, pe he doureier kentoc’h. Evit gwir, an Ael Mat Dour kevrinus en deus laket en e soñj ampoezoniñ rouedad a-bezh an dour mat da eviñ er c’hornad. Ha yao en hent ha doc’htu-kaer, rak doc’h hon gortoz emañ Laig ar Bleiz e bro ar mammennoù : Meukon. Get sikour an arload evit monet a-dreuz loc’hoù ha displegiñ deomp o mont en-dro, ec’h amp get hon hent betak an daol gentañ. Eno e ta sklaer ha splann deomp ec’h eus bet laosket merkoù get an igounierez evidomp da c’helliñ mont da-heul roudoù an drougoberour. Hon neudenn skouer e vo an dour, a-dreuz gwazhiennoù, puñsoù ha golc’herisoù, ha kaset e vehemp àr ar maezoù etre koadoù kammigellek, dourbontoù hag hentoù-kleuz bourrus betak ar c’hevrin diwezhañ. Un enklask kaset brav da benn hag ur valeadenn a-feson e oa.

 Totemoù strewet a-hed an hentad a sikour an avanturerion da vonet àr-raok get o enklask.

Grit anavedigezh get an div avantur-se ha get an enklaskoù a-yoc’h kinniget get Mys’Terre du Golfe dre bellgargiñ an arload hezoug.