Un tamm kempenn zo bet graet da diazlec’h Toullindag

Diàr-vremañ e vez degemeret an dud en un diazlec’h merdeiñ ag ar re vravañ e Toullindag. A-c’houde blez hanter eo achu ar labourioù, ha dishañval-bras eo diazlec’h Baden doc’h ar pezh e oa e-raok. Renevezet eo bet an ti kozh get ur c’haer a veskaj koad ha mein. En diabarzh anezhañ hag en adtier ec’h eus lies a gornioù. Kempennet ec’h eus bet re da zegemer an dud, re d’o zolpiñ, re da labourat, re da stokiñ dafar, hag oc’hpenn se gwisklec’hioù, salioù-dour ha privezioù. Evel-se e vo akomotoc’h ha kletoc’h ar lec’h evit ar pareoù skolidi a vez degemeret a-hed ar blez eno. Ag ar c’hornad-bro a-bezh e taont da zizoloiñ peger bourrus e vez monet àr vor àr bourzh un optimist pe ur c’hataraman. Baden zo unan ag an tri diazlec’h merdeiñ meret get an tolpad, get Aradon ha get Sine. Ar meriñ anezhe zo bet fiziet e 47° Nautik.