Ti-gar Gwened : an tren, mod pe vod

Àr-lerc’h achuamant ar parklec'h P1 nevez e miz Meurzh 2024, ma c’heller monet àr-eeun adal kroashent-tro an ti-gar, e vo pazennoù kentañ ar chanter é tresiñ dremm nevez ar c’harter ha tamm-ha-tamm e vo en amen da razh ar modoù dilec’hiiñ.

Ar vali Favrel ha Lincy, dilec’hiet hogozik 10 metr pelloc’h er c’hreisteiz, laket untu evit ar c’hirri diàr vremañ, a vo un hent a bouez evit ar busoù, an taksioù hag ar c’hirri sikour. El lec’h gounidet àr an hent e c’hello, edan berr, bout kempennet ul leurgêr sioul, frank, get struzh hag ur roudenn divrodegoù. Ha get an arsav-berr nevez-staliet tostik d’an nor-antre ne vo mui abeg erbet da c’hwitiñ e dren.